مع تواصل تراجع الجنيه المصري أمام الدولار، إذ سجل الأخير في البنوك 27.18 جنيها أمس، قال الرئيس المصري عبدالفتاح السيسي، خلال افتتاح عدة مشاريع بمحافظة سوهاج، إن الحكومة «مطحونة جداً»، في إشارة إلى الصعوبات الاقتصادية التي تواجه مصر، أسوة بالكثير من دول العالم، على خلفية تداعيات جائحة كورونا والحرب الأوكرانية - الروسية.
ولفت السيسي إلى تأثير النمو السكاني على عدم شعور المواطن بثمار التنمية المتحققة، معقبا: «هذا يوم جديد وعام جديد، لكن لا يمنعنا كأسرة واحدة اننا نتكلم مع بعض ونفكر بعض بحجم التحدي وسبب المشكلة»، مضيفا: «سبب المشكلة لا فساد حكومة ولا فساد نظام إداري ولا تهميش، أقول لكم حاجة بسيطة، اعرف كويس يعني إيه قرش وبفضل الله يعني إيه دولة».
واستطرد: «مصر ممكن تكون قد الدنيا بيكم وأفكاركم وجهدكم، لو استمرينا بتلك الطريقة (الزيادة السكانية) كل الجهد المبذول مش كفاية، وأوجّه بتوفير تمويل مشروعاتكم من صندوق تحيا مصر»، لافتا إلى أن الدولة تحتاج لنحو 70 تريليون جنيه، لا 7 تريليونات كاستثمارات لتنفيذ مشروعات لخدمة الناس، وأضاف: «يا رب يعلمنا ويفهمنا واننا نشوف... واللي نشوفه نفهمه».
وتابع: «اللي احنا بنعمله في سوهاج أكثر من 100 مليار جنيه، ولكن اللي اتعمل تشغيله بكام؟ يعني عملت مكتب بريد... الناس اللي هتشتغل فيه هتاخد كام؟ وهيتعمله صيانة بكام؟ ولو عملت مدرسة علشان تحافظ عليها هتصرف كام؟ وكذلك لو عملت مستشفى هتشتغل كل يوم بكام؟ وكل شهر وكل سنة؟ انت داخل في سباق... مثلا عدد الفصول الموجود دلوقتي أقل من المطلوب بمنتهى البساطة، يبقى انت الأول عايز تسد الفجوة فجوة الموجود مع المفروض يكون موجود».
وأكمل السيسي: «نحن في حاجة ل 60 ألف فصل بالمدارس سنويا، ولو النهارده عايز أعمل 60 ألف فصل يعني عايز 60 مليار جنيه، ثم أضع معهم مصاريف المدرسة والطقم الإداري والإشراف في المدرسة يعني بكام؟ أنا كنت براجع أمس مع «الإسكان» علشان أعمل 200 ألف وحدة تانيين... لقيت الوحدة معدية عليا ال 700 ألف جنيه... يعني ال 200 ألف ب 140 مليار جنيه»، مبينا أن الدولة المصرية نظمت نفسها بشكل مختلف، في التعامل مع محافظات الصعيد، في إشارة إلى مشروعات «حياة كريمة» التي تبنتها الدولة المصرية لتطوير القرى الأكثر فقرا.
وعلّق على الانتقادات لمشروعات رصف وإنشاء الطرق الجديدة عبر مواقع التواصل، قائلا: «أنا باتابع السوشيال ميديا وتعليقات كل الناس، بيقولوا يا كامل يا وزير مش كفاية أسفلت بقى!»، ورد: «ده أول حاجة تتعمل الأسفلت، شبكة الطرق علشان نوصل ليكم وتوصلوا لينا. الناس اللي بتقول كده مشافتش أهالينا عايشين إزاي وبيمشوا إزاي».
وخلال الافتتاح أشاد أحد المواطنين بإنجازات الرئيس السيسي، قائلا: «كفاية قضاءك على الإرهاب، والله أنا كنت بابات أبكي للصبح بسبب الإرهاب»، ليرد الرئيس السيسي بقوله: «والله العظيم اللي حمى مصر ربنا... أنا باحلف وهو يعلم ما في نفسي».