درايش: عن فكرة «التعليق»…
نشر
في 09-04-2023
آخر
تحديث 08-04-2023 | 17:36
الحق يصدح... إن بدا الحال مايل
على الأخص: وقت الغيوم الثقيله
يطلع إذا شاف النوايا هوايل
وفي قلبه الدستور فكره أصيله
تطلع أسامي من أسامي الأوايل
اللي لهم كلمه ومعاني جزيله
طبع الكويتي كالخيول الأصايل
مركاضها فخْر المسافه الطويله
وكل الطوايف في البلد والحمايل
ما عندهم دستور ثاني بديله
وكل البدو وفخوذهم والقبايل
كل الحضر ما بدّلوه بوسيله
مالك عن الدستور غيره بدايل
كالعهْد ما بين العميل وعميله
