درايش: سالفة «المتجنسين»... فتنة وتخريب!

وضّاح

نشر في 21-04-2023

اش جاب طاري للقضايا الغريبه

اللي تفتّتنا ولا تجْمع الناس؟!

توقيت يزرع شك فينا وريبه

وكل الفتَن تبدا من أحفاد «جسّاس»!*

وفيه ناس ما ترتاح إلا بمصيبه

تحرث مواقدها بلا أي إحساس!

داري الحنونه الحانيه والحبيبه

ما فرّقَت في يوم ما بين الأجناس

لكن نوايا ابليس مثل الغبيبه

والناس تجهل من غرَفْها بملّاس!

والعنصري لا تسأله عن طبيبه

مَبْلي وشيطانه عن الناس خنّاس

كل الدوَل تصعد منازل مهيبه

وحنّا مثل واحد يبي يحفر الساس!

* جسّاس بن مرة البكري الذي أشعل حرب البسوس في الجاهلية.