من يفتعل أو يبتدي بالخلافات
ماله قبولٍ بين ربعه وناسه
الشعْب ما قصَّر بذل كل «الأصوات»
وقَّف مع الإصلاح وقفة حراسه
لا تشغلونه في الأمور السخيفات
ولا تخذلونه عقب فورة حماسه
البيت بيت الشعب وانتم أساسات
لا تحفرون وتضربون بأساسه
ترى التنازع يذهِب الريح ساعات
وأول خطاوينا تجي بانتكاسه
«المصلحه» وكُبْر «الأنا» ونفخة الذات
تسقي الأناني يوم من مُر كاسه
مجموعة الإصلاح... هذي البدايات
وإيّاكم الفرْقه ولعْب السياسه!