درايش: نحتاج «حكومة إنقاذ»
نشر
في 16-06-2023
آخر
تحديث 15-06-2023 | 20:22
مو كل مَرّه تعَدّي وتسْلم الجَرّه
مو كل مَرّه تمرّر عندنا أعذارك
مَرّه... ومَرّه... وكاسات الصبر مُرّه
لابد ما يوم تخسرنا بتكرارك
إن ما تغيِّر قديم « النهْج» بالمَره
وتصير « منقذ» وتنفض عنّك اغبارك
ما اقول طاب الجسد وإلّا غدا شرّه
معلول يا هالجسد من كف بيطارك
بعض الحكومات كالكتويل مِفْتَرَّه
لا صوت تملك ولا في رايها تشارك
وبعض « الكراسي» فراغ عقول مغْتَرّه
وزير لكن ترى ماهو من انصارك
صوره وشاشات فيها ناس مسْتَرّه
ومحّد سأل: يا معالينا منو اختارك؟!
أحسِن خيارك من « التشكيل» هالمَرّه
والله يوفّق لك الخطوه بمشوارك
