هالحال شوف شلون لازم تعدّيه
وتْوصِّل المرْكب لبَر السلامه
بين الرياح العاتيه ومشْهد التيه
ومراكب ٍحولك تثير العتامه
تقلُب عليك الموج واطيه عاليه
وعند المواني تبادرك بابتسامه!
حولك محامِل حقْد بالخن تخفيه
وتمرّ ما تبيِّن عليها علامه!
ترى الخَشَب(1) مايشتكي ثقْلِ ما فيه
يشكي النواخذ إن مشوا في غشامه
إن ما رُفَعْت اشراع فوقك تعلّيه
وتختار ما بين العزِم وانعدامه
ما نوصل الملْبار(2) والا شواطيه
واظن حتّى ما نشوف المنامه
(1) الخشب: يقصد به المراكب الخشبية
(2) منطقة في جنوب الهند