درايش: من شار عليك تحطّه وزير؟!
نشر
في 17-07-2023
آخر
تحديث 16-07-2023 | 19:41
لمّا نحذّر في الشِعر،
نكتب على السطر الأخير
إن الأمر جداً خطير
مو كل اسم: C.V
أو قدّم ملَف
يرقى إلى منصب وزير
ولا قريت المسأله...
عندك وزيرك واسأله
إنّ بْغروره اللي انكتَم
يطلع عليك بآخره
وما ينحبس في وسْط بير
بالون صعّدته غلط
باجر بوجهك ينفجر
وتكثر سچاچين الغدر
تنزل على ظهر البعير!
وأراهنك...
شوف الليالي المقبله
ما ظن «إصلاحي» الهوى
يرضى بغروره ويقبله
في شهقته والا الزفير
حاضن بصدرك قنبله
وبالون جدا منتفخ
باجر عقب اخذ وعطا،
الأحرار في المجلس ترى
يقولون:
ما يصلح وزير!
