درايش: ما له علاج

وضّاح

نشر في 11-08-2023

ما فاد فيه الطبِّ والقرّايه

ولا علاج الشيخ بيَّن يا علي

دور الزمن نشّف جليبه ومايه

وما عاد ذاك اللي تعرفه الأوّلي

لو كان شوقه ينمحي بمحّايه

ما شفت حاله كالعليل المبتلي

اليوم نزَّل عن يمينه الرايه

وجيوشهم مثل السحاب المعتلي

كاتم حنينه وما تنفَّس نايه

هذا مع انّه في لحونه ممتلي

مثل الوعل ينطح جبل في رايه

ويقول أبني من صخوره منزلي

حلمه السما ونجومها له غايه

ومو راضي يرجع من مفاتنها خَلي