درايش: تعيينات القياديين... لا تصير بربسه!
نشر
في 18-08-2023
آخر
تحديث 17-08-2023 | 20:19
إي نعم نحتاج مسؤول ووكيل
مو صحيح الشغل كله «بالوكاله»
بس على ميزان (واحذر لا يميل):
الكفاءه، والنظافه، والعداله
مو لأنّه بس نسيبك أو عديل
وإلّا أيام الدراسه فيه زماله!
أو قبيله تدعمه (ومن هالقبيل!)
وإلّا إسْم «العايله» كافي لحاله!
وفي الوزاره اليوم لا يدْخل دخيل
من وزاره ثانيه ويصير عاله
الوكيل الله ولا غيره وكيل
والعداله كان عنوان الرساله
