درايش: ومتى يداوم محقّق المخفر؟!
نشر
في 09-11-2022
آخر
تحديث 08-11-2022 | 20:46
حالة التحقيق في «حادث مروري»تجْبرك أيام في المخفر تدور
لا محقّق ينجز الشغل الضروري
ولا مثْل الناس ملزوم بحضور
كل يوم اراجعه واثبت حضوري
بس اهو كالملح ذايب في بحور
مكتبه خالي ولا قدَّر شعوري
في لهيب القايله دمّي يفور
ويوم دَقّوا... رَد عليهم رَد فوري
خَل يمر باجر... (بكل عنف وغرور)
چِن يبيني اليوم... أبدي له سروري
وچِنّي قاعد ناطره بمتعه وسرور
يا صباح الخير يا ورده وجُوري
المحقّق موّت بصدري العطور
الورق محبوس في داخل تُجوري
ومكتب التحقيق خالي من الحضور!!
