درايش: مرحلة... (أو عنق الزجاجة)
نشر
في 18-09-2023
آخر
تحديث 17-09-2023 | 20:44
اللللله يصْلح حالنا في المقابيل
(وما ينصلح... إن ما التزمنا الركاده)
هالمرحله كالليل داخل على الليل
وشد الحبل بالليل صاير زياده!
ما عندنا قدْره على أي تفضيل
أفضلهم اللي ما حچوا في فساده
واضح ولا عنده أبد أي تبديل
ماشي مع الدستور، يملك إراده
وكل شيخ ضاوي بيننا ضو قنديل
ملزوم ناخذ بصمته واعتماده
الشعب ما ينسى كثير التفاصيل
والشعب هو مركى الاسم واستناده
يا مجلس الأمّه عن الحق لا تميل
لا يفقد المجلس صوابه ورشاده!
