درايش: الهلال الأحمر الكويتي... فخرنا

وضّاح

نشر في 09-11-2023

عسى ما يختفي هلالك ولا ليله

ويبقى في السما عالي، على الدنيا، على العالم، على المنكوب والمحتاج

فخر... يا الغيث، والمغيوث يدري في سحايبكم/ عطاياكم بلا مِنّه ولا إحراج

قوافلكم قوافل خير بالدنيا...

مثل ما بشّروا المسجون في لحظه بخبر إفراج

مثل غيمة مطر تنزل على الظامي،

واهو بصحرا انقطع لا ساقيه حوله ولا قطره من الأفلاج

قوافلكم سفينة خير تتحدّى صلَف أمواج

سقى الله من مسح بيده على جروح الضحايا

ودمعة المسكين

«تطوّع» في مشاغلهم

ومكانة كل عمَل «طوعي» على روس الأوادم تاج

سقى الله دار ربّتكم على الخيرات

ومشيتوا في وصيتها على المنهاج