درايش: شعر اقتصادي!

وضّاح

نشر في 15-12-2023

عن التحليل الأسبوعي الذي ينشره الزميل/ محمد البغلي كل خميس في الصفحة الاقتصادية

كل ما نويت أكتب بالأفكار سطرين

يسبقني « البغلي» بْمقال اقتصادي!

خرَّب مشاريع الشعر بالحچي الزين

وصار الشعر كلّه مكرّر وعادي!

نفس الكلام اللي نويته ببيتين

ونفس الهموم الطافحه في بلادي

لكنه بالأرقام عنده براهين

ونا بصحرا بالقصايد أنادي

مطلوب منه الحين يدفع لي الدين

عن كل قصيده واقفه في فؤادي

ياما كتبنا وما تعدَّل موازين

وياما اكتبوا أهل السنع والرشادِ

من جاسم السعدون لمحمد الحين

نكتب بوادي... والحكومه بوادي!