درايش: مركب في المحيطات
نشر
في 25-12-2023
آخر
تحديث 24-12-2023 | 19:26
دارنا مركب وهذا الموج عالي
والمواني مو مثل ذيچ القديمه
لو بذلنا الجهد أيام وليالي
ما وصلنا يم حناياها الرحيمه
في الخليج النَو وهبوب الشمالي
ينذر إنّ الجو لحظاته أليمه
يا الأماني في موانينا تعالي
احضني المركب بنيّاتٍ سليمه
واذخري الأخيار لدروب المعالي
هُم سندنا في المقادير العظيمه
النجاة تصير من أوّل وتالي
لاستمر دستورنا بقيمه وحشيمه
دارنا درّه... وطبع الدر غالي
والأمل معقود بنفوسٍ كريمه
