درايش: لجان التحقيق البرلمانية

وضّاح

نشر في 31-01-2024

وضّاح

كمّلوا لآخر خطاوينا الأخيره

يا عسى «الأحكام» تصدر بالأخير

ندري مو سهله ومهمتكم عسيره

لكن بصدق العمل كل شي يصير

وندري إنها مشربكه وصارت كبيره

والكبيره مالها غير الكبير

فرّغوا المخزن وطلقات الذخيره

ما بقى في المسأله شهقه وزفير

چانها ب «الحل» علّ الأمر خِيره

وإلّا يتعدّل بديرتنا المسير

تكبر وتصغر قضايانا الخطيره

والعسر ينفك خيطه كالحرير

ومن تهاون وإلّا ساوَم في ضميره

اكشفوه إن كان نائب أو وزير