العزم في الدوحه كما لمعة الكاس
والمجد له أهله وربعه وناسه
قوة إرادتهم مثل جوهر ألماس
على جماله جامعٍ قُو باسه
ما هو تجمّع بس أو جمهرة ناس
وإلا رياضه تختصر بالوناسه
هذي مساواة اشملت كل الأجناس
والكون بيت انسان يبني أساسه
والملعب اللي يرتفع فيه الإحساس
مفتوح للانسان لآخر حماسه
وهذي الكُره ( في الكون) لو تشهق أنفاس
دليل تخطيط وجهود ودراسه
لنا الفخر - ويّا العرب - نرفع الراس
في دوله تلمع في بحرنا... ألماسه