درايش: حل المسألة
نشر
في 16-02-2024
آخر
تحديث 15-02-2024 | 20:30
يا سر أسراري وأصل المشكله
يا الغايبه عني وأشوفك مقبله
يا الواضحه في المستحيل المختفي
يا المسأله الصعبه وحل المسأله
مثل العنب لون الشفايف ناضجه
من يجرأ بلحظه ويطفّي هالوَلَه
هذا الوَلَه كالنار يحرق خافقي
بس مستحي المشوار أبدي بأوَلَه
يا أجوبه للأسئله وما تكتمل
كل ما أحلّك يوم... تطلع أسئله!
يا الكامله يا المترَفه يا الناعمه
كيف اجتياز اليوم هذي المرحله؟!
