درايش: الساموراي الأخير!
نشر
في 23-02-2024
آخر
تحديث 22-02-2024 | 20:07
مراسيل العتَب ردّت علينا
ولا ندري منو الغلطان فينا
نقزّر هالزمن صبر وكَلَافه
ولو شفْنا المشاكل وابتلينا
ونكتب في جرايدنا معاني
ويمحون الكلام اللي عنينا!
ولا نقدر على كل القضايا
وممنوع الحچي كل ما حچينا!
كتبْنا بدارنا والكل ساكت
كأن اللي افهموا مو فاهمينا
حفظنا في حنايانا مداين
ولا نطلب أبد غير السكينه
ونشعل للأمل مليون شعله
وكأنّا اليوم ما رحنا وجينا
علينا وما علينا واعتلينا
ولا نْصافح سوى الإيد الأمينه
