ليت من يركض على الجسر البعيد
ياخذ الديره بعد تركض معاه
لا لياقة ركْض، لا حيلٍ شديد
والنفَس فيها موصِّل منتهاه
يا حكومه صاعده الجسر الجديد
اصعدوا فيها الجسر لآخر مداه
واسحبوها سحْب في «وِنْشٍ» حديد
يمكن بلحظه الكسل ينفض غطاه
نايمه وبفراشها فكرٍ بليد
وغيرها يسعى على كل اتجاه
اركضوا فيها مع العزم العنيد
ومن وقَف ضد الزمن كلٍّ وطاه
هالشهر تاليه عقب الصوم عيد
بس يوم العيد ما ندري إش وراه؟!