عقب الفطور... وصفوة البال والكيف
طايب مزاجك والنسايم لطيفه
اطلع و«صوّت» لا تظن فيه تكليف
ترى الخطاوي هيِّنه مو كليفه
«صوِّت» لمنهو ما قبَل يوم تحريف
في دفترك لو كان جُمله خفيفه
و«صوِّت» لواحد ما رضى بالتخاريف
أو فسّره حسْب الظروف العنيفه
واللي ثبَت رغم اختلاف التصاريف
باقي على عهد الإيدين النظيفه
وابعد عن اللي كل قُرْبه تحاسيف
إحْشم مقامك لا تقرّب لجيفه
اللي يمشّونه طريقه على الكيف
واللي شرى بعض النفوس الضعيفه
أشِّر بخطّك () والخط تشريف
لأهل النوايا الطيبه والشريفه