درايش: خلّك على ما تبيه
نشر
في 30-11-2022
آخر
تحديث 29-11-2022 | 22:25
لو ضاع نص الكلام
لو طار سرب الحمام
لو حرّموا لك حلالك
لو حلّلوا لك حرام
واللي انهدم في المباني
واللي انبنى من هَدام
اسمع، وفكّر، وقرّر
واثبت على ما تبيه
***
مشوار عمرك ليالي
ميّة جبل فيه عالي
والناس ناسك ولكن
متغيِّر الطبع تالي:
الچذب سمّوه مُنْجي
والوهم اسم المعالي
امش الدروب الغريبه
يمكن تصادف نزيه
***
خلّك بصحرا بعيده
ترسم مداين سعيده
الكون ما تدري عنه
وقت العزا وإلّا عيده
في خلوة الروح تلقى
سلوى ودنيا جديده
قلبك مع الليل زحمه
والنور منّه وفيه
