درايش: أعلى من منازلهم
نشر
في 19-06-2024
آخر
تحديث 18-06-2024 | 18:59
هذي التفاهات مو يمّك ولا همّك
وكل ما تسامحت... يعْلا حيل منزالك
خَل البعوض الصغير اللي شفَط دمّك
إيحس إنّه انتصر... وانته ولا ببالك!
عطهم مساحه ولو ماكو أحد يمّك
بعض الشرابيك تثبت إنّك لحالك
من حيث طبْع الردي لو يضحك وضمّك
في القلب حيّه تلفّك انت وعيالك!
كل ما تهنّيت... رجَّع همّك وغمّك
يسأل عن الحال... لكن حاسد أحوالك!
يا عالي المنزله في الناس شيهمّك؟
خلّك على السفْح... محّد يوصل جبالك
