عدد ساعات في الظلْمه بلا تكييف
عدد أنفاس في هالدار مقطوعه
ولا واير يوصّلنا لحدّ السِيف
ولو ننزل بحر أو نوصل القُوعه
ولا شخص انتبه إن «العمل» تزييف
إذا يشْبك موظف عطلة أسبوعه!
ولو ترجع تراجع «دائرة توظيف»
ولا واحد مداوم شَذ عن نوعه!
إجازة عيد والدنيا هواها ريف
و«إجازات المرض» من قال ممنوعه؟!
وإذا الديره «وكاله» وماشيه «تكليف»!
ولا مسؤول عارف كوعه من بُوعه!
فلا ذنْب الوزاره والحچي تخريف:
إذا المنظومه خربانه ومشلوعه!