درايش: عتمة
نشر
في 06-09-2024
آخر
تحديث 05-09-2024 | 20:08
(1)
وجّهيني إن غشى الخاطر ظلام
وإلّا من شرْق/المتاعب
ثقَّل عيوني الغمام
إسْفِري بنورچ علينا
لو تكلّفنا وعنينا
وافتحي كل الدرايش
طيِّري سِرْب الحمام
(2)
اسعفيني بْمَدّة الكَف اليمين
ما بقى بروحي بقايا
وآخر أنفاسي... الحنين
وين يا طوق النجاة
وين تاخذنا الحياة
كم تعنّينا ومشينا
وما رجعنا سالمين!
(3)
يا الشموس اللي تعاند
ماتبي ليله تْغيب
لين يلقى الظل ظلّه
والحبيبه الذايبه تلقى الحبيب
وقّفي بنص المسافه:
مو نهار ومو ظلام ومو حضور ومو مغيب!
