درايش: بلا إثْمِد العين

وضّاح

نشر في 27-09-2024

وضّاح

ربّي مكحّل عيونچ دونما تكحيل

لا إثْمِد العين... لا صَبْغه... ولا كِحْلَه

وهذي الشفايف مناحِل في عسلها تسيل

وما عمْر طبّت على المعسول أي نَحْله!

وإن شفْتي بَرْق بملامحنا نذير السيل

يا تبعدين القَدَم وإلّا إغطسي ب وَحْله!

سُود الجدايل تشكّكنا بسواد الليل

وفي حَل هذي الجدايل تبْتدي الرِحْله

إن كان شَعْرچ عَتَم والوجه كالقنديل

الضدِّ يكشف بضدّه الأجمل الأحلى!