درايش: إذا الجرح جرحين
نشر
في 18-10-2024
آخر
تحديث 17-10-2024 | 20:45
بعض السوالف في الضماير سچاچين
كل ما طَرَت في القلب چنْها تحزّه
ليت المعارك كلها من معادين
بس البلا لا صار شخصٍ تعزّه!
هانَتْ... من معاديك لو كان جَمْعين
ويا سِهْلَه البيرق عليهم ترزّه
لكن عزيز ومن موارث عزيزين
وما هو من اللي أي مواقف تهزّه
واللي يخلّي الجرح في الروح جرحين
لا شفت عاقل فيه جاهل يوزّه!
خلّه يلقّط من ضباع الميادين
وانت انتصارك في شهامه ومعزّه
