درايش: چذبك... يهينك!
نشر
في 23-10-2024
آخر
تحديث 22-10-2024 | 20:16
الچِذْب من بعْض الشرابيك ينْجِيك
لكن بنفس الوقت چذْبك يهينك
«الذات» تصغر داخلك تخْتفي فيك
وتحس كل الناس حولك تدينك
بينك وبين النفْس تعرف خوافيك
وتبيِّن الچذبات روغات عينك
لو تسحب إلحاف العذر ما يغطيك
تدري بتأليف الحجج ما يعينك
اصْدِق... ولو الصدْق فيه الشرابيك
لكنّه يحفظ كل قطره بجبينك
وفيه احترام الذات وأسمى معانيك
(معْ علْمي الأطباع... ماهي بإيدينك!)
