درايش: ما قلت لك إيه
نشر
في 01-11-2024
آخر
تحديث 31-10-2024 | 20:17
طَلَبْتني النسيان ما قلت لك إيه
وشحذتني الغفران ما قلت لك تَم
لا تدّعي والا تزيد المشاريه
منْته بحاجة صَك لو كنت مهتم
الصدْق ثوب الجود يا طيب راعيه
والچذْب فضّاح العرايا إذا عَم
والذيب لو يخفي علينا مفاليه
بيَّن على نابه بقايا من الدَم
شالفرق لا قلت الغدر صرت ناسيه
لا لايمٍ روحك ولا صايبك هَم
خلها على الله... الجرح وقتي يداويه
وإلّا انت ما ينفع معك مدح أو ذم!
