درايش: سوء فهم
نشر
في 08-11-2024
آخر
تحديث 07-11-2024 | 20:12
أكثر خلافات البشر مالها ساس
تِبْنى على سوء الفهَم أو إشاعه
يا ليت تاخذها من الراس للراس
وتصير عندك بالسوالف قناعه
لا تسمع الواشي ولا خط قرطاس
ولا تصدّق أي ردي من الجماعه
ناسٍ تحيك من القصص تفتن الناس
ومن يجهل الچذّاب سهْل انخداعه
وناسٍ بضاعتهم مسامير ونْحاس
لقوا لهم شخصٍ يسوم البضاعه!
واللي ثقه ما يدخله كل وسواس
طبعه ثقيل وساكنٍ في رفاعه
اللي مناقبهم كما الدر وألماس
ما يسمعون اللي مشوا بالوضاعه
«سوء الفهم» مبنى سجن فيه حرّاس
وچانك تبي له حَل... زِيد اتساعه!
