في نص قرْن من الظلام
ما شافت بلحظه سلام
اليوم أسفَر نورها
وصار الأمل فيها إمام
أوّل فَرَج... فَتْح السجون
والشمس ردَّت للعيون
صبح الفرح من كل لون
أشرَق مع أسراب الحمام
الصبح... عطر الياسمين
اللي احبسوه الظالمين
الحق له موعد وحين
ينزل مثل رَش الغمام
يا شام يا صدْق الوعَد
هذي بدايات السعَد
ما فيه بالغابه أسد
إلّا لطغيانه ختام
يا مْضمِّده كل الجروح
ابني على العدْل الصروح
ورِدِّي إلى الانسان روح
مسلوبه من خمسين عام