عطني ثواني... أرتشف نور عينيك
وأروي ظماي اللي سكن في الحنايا
يا قهوة الصبح النِدي منْوتي فيك
وأشربك كلّك ما أخلّي بقايا
والمشكله كل ما شربتك... أناديك:
إرجع بعَد... فيني تجدّد ظمايا!!
إجلس... عسى ربي من الصبر يعطيك
مما عطاك من الحسن والحلايا
حُمرة شفايف دخّلتني شرابيك
وفي لمعة الشفّه أشوف المنايا
ما ينشبع منّك، كثيره معانيك
وفي حضرتك عندي تشع الزوايا
ونجل العيون الفاتنه دون تشكيك
لاشك سوّت في ضميري سوايا
وأنا الذي قلبه على البعد يغليك
يا الحاكم اللي ما درى في الرعايا