درايش: إذا تكاثرت النقاط السود
نشر
في 08-01-2025
آخر
تحديث 07-01-2025 | 19:41
كل ما غَلَطْت... تزيد نِقْطه على الروح
إحذر تلوِّن في سوادك ضميري
نقطه على نقطه ونا كاتم البوح
مع الزمن تدفن ترى ماي بيري
بعض الخطا يبقى كما النقش باللوح
لو تعتذر ما ينمسح يا عشيري
مالك بكثر اللوم والصد مصلوح
ومالي بْحِمْل اذنوب وأفعال غيري
انت الغدير اللي زلاله دوا جروح
وما ودي أحذف لي حصى في غديري
لكن إذا كثَّرْتها قلت: مسموح
إتبَع مصيرك في الهوى ولي مصيري
