درايش: في عيونها حَوَر
نشر
في 30-12-2022
آخر
تحديث 29-12-2022 | 21:11
حورا العيون وما قَرَت في «القواميس»
إن الحَوَر واضح سواده وبياضه
شيهانةٍ عدّت على عرْش بلقيس
وفي عيونها شعْبٍ نوى بانتفاضه
تمْلك حسِن هادي يطوف المقاييس
لو تعطي فرصه لرمشها بانخفاضه
ولو تسمح انشم الورود المغاريس
والشوك ما يبدي علينا اعتراضه
الروض محمي في مخالب قرانيس
ما يمدي عينك تمتلي من فياضه
والخد - قالوا في النبط- كالقراطيس
الموت دونه وما وصلنا حياضه
اللي اتْركَتْنا في شقانا محابيس
مدري متى المظلوم منها ايتقاضى
