أبديه... ما أنهيه... عاشق أنا التيه

Ad

في هـ العيون اللي اثْقَلَت بالغوايه

أنا ترى «يومچ» و«باچر» وما فيه

كتاب لكن ما يعَرْف النهايه

ألِم غصنن ذاوين فيچ... واسقيه

أدري ان يبَس... مـ اقوى على صوت نايه!

ما صير ذكرى: يسَّر اللّه خطاويه

عاشقْ وحظّه معْ زمانه تعايا

وما صير أنا «ماضي» تفلَّش عراويه

أبي مثل أول جمر في البدايه

وكلامچ اللي في رساله كتبتيه

عن حب ياما «كان» في العمر غايه

ما «كنت» لا... ما زلت... والأمر تشبيه

وانتِ مثل شاعرْ غلَط في الكنايه
وضّاح وضاح