درايش : شي غلط قاعد يصير!

قلنا هَبّه وحبْلَها باچر قصير

بس طالت... عدّت الرقم القياسي

شي غلط في دارنا قاعد يصير:

كل كويتي معتبر نفسه سياسي!

يا سياسه يا صحافه... وبالأخير

الصحافه والسياسه في مآسي!

السياسه هذي يمّك ما تطير

بس تذكّر شنهو في دنياك ناسي؟!

الفنون معطَّله ماكو نصير

والثقافه كالمريض اللي يقاسي

والفرح مليوت وجناحه كسير

في «ثوابت» من «سلف» وإلاّ «حداسي»!

والرياضه... حتى أكبر من وزير

ضايعه من أمس في لعب الكراسي

فتِّح عيونك ترى العالم كبير

وهذا جزء الكل... مو الكل الأساسي

تكفا بسّك حَن چنّك بو بشير

في السياسه وشيخها دوّخت راسي