يا نوخذا افزع مع البحاره

دار الزمان وبينت أخطاره

سفينتك يا نوخذا في غبه

والريح صرصر عاتيه باتفاره

الموج ياخذها يمين ويسرى

والماجله با الخن بيد الفاره

حنا بخطر برى السفينة وداخل

مصيرنا مجهولة اخباره

كل ايطالع فيك ويصوت لك

ينخاك تنقذ ديرته وصغاره

عهد التوازن راح لا تفكر به

ما حك جلد المرء غير اظفاره

يوم الوطن يحتله التكريتي

ويحرق وهو منحاش كل آباره

سبعه شهور ٍما لقى له كويتي

يفزع معاه ويقبله في داره

حنا هلك ما للفتى غير اهله

هم عزوته هم اخوته وانصاره

لا صكت الصكات حنا ربعك

والا اللغو خوانة ٍمكاره

توابل - الرواق