شعبي بلد نسّاي

بلد مثل الطفل قلبه

انجرح مرّه، وزعل مرّه، وبجى مرّه

ويمسح كل نهاراته ولا يبات بعتب شكّاي

حمام مفارق ابيوته.. ويرد أبيض

على ذيج الدرايش رفرف ابشوقه

وقلبه من الشقا عنّاي

حبيّب يالمسيح اللي عطاهم خده الأيمن

ولا له في العداوه راي

حبيّب يا بلد لنّك رجيج القلب

ما تحسب عدد لرماح بضلوعك

مع كل جرح تتنازل: أسامح... أمركم مولاي

أبد ما ينصلح حالك مدامك يا بلد نسّاي

وكل جرح انجرحته أمس

تنسى كل مراراته... إذا مرّه اعزفوا لك ناي!

ي ظامي في قوايلهم

تبي قطره ترد الروح... بدروبك

تبلّل جربتك ثوبك... ولا حسيت

نسيت انّك على ظهرك تشيل الماي!!