شعبي غابه

من طبّق القانون مسكين مقرود

واهم تبع برق الغيوم البعيده

من صجّه امصدّق قوانين وعهود

وعنده أمل في هالحكومه الرشيده!

وهذي «رشيده» بنت أفعالها سود

ردّت فضايحها القديمه جديده

ومن كسّر القانون في الناس محمود

«شاطر» عرف إن الشرف ما يفيده

چنهم يقولون: العدل درب مسدود

ليش المواطن قاظب الدرب سيده!!

غابه... وفيها وحوش ونمور وفهود

والكل ياخذ -إن لقى شي- بيده

ياللي طبخت الفاس عن فكرتك عود

غلطان يا ناطر مرق من حديده

وضّاح

nashmi22@hotmail.com