لا صارت الديرة تعب
نشر
في 28-03-2008 | 00:00
آخر
تحديث 28-03-2008 | 00:00
لاتخافيبقى الوطن أكبر.. من نوايا.. واختلاف هذا البلد.. مثل الشجر.. مايثمر بأرضٍ جفاف قول رايك.. بوح همّك عطني قلبك.. لاتخاف يبقى الوطن غالي.. ومايهزّه الاختلاف تعلّمنا نروي اشجار المدينه.. من بحرنا تعلمنا نعشق اطراف السواحل.. من صغرنا نركض ولا نتعب نصرخ ولا نغضب ونرتفع فوق العواصف.. مايهمنا لاتقول كل شي تغير.. هالقلب ماعمره تغير حتى لو يعتب علينا ولو تمادينا.. وحكينا لأنه منّا.. واحنا منّه.. واحنا ادرى الناس عنه لاتظن.. يقسى علينا لاتعب قلبك تعال اكشف الجرح اللي تخفيه بضلوعك.. والسؤال عطني هْمومك وخلنا.. انتشافى بالخيال وواجه اصحابك وحاذر.. لايضيّعك احتمال مو كل شي ينقال مو كل شي ينقال لاصارت الديره تعب.. مو كل شي ينقال!! لاتصير مثل الذي.. يغني للديره ويروح لاتزيد الهم فيها.. ولاتساوم عالجروح لاصارت الديره تعب.. لاتبدّلها.. بذهب!! خلّها بقلبك.. وروح
