غناوي الحلم

ورغم جرحه اللي فـ عينيه

عاشق يبوح...

عاشق فنون الفضفضة

عاشق يطير فوق الهموم

ويجيب من الحزن الرضا

مجروح اهات

حنجرته ناي

يعزف بقلبه للطيور الصاحية وينادي الفضا

ويغني فوق خوف الطريق

غنوة مسافر للوطن

في عينيه سكن للمجروحين/ المشتاقين لحظة امل

بيطبطب الجرح القديم

وفـ قلبه اه رافضة الندا

حتى في سكاته لو يشاور ...

تسمع لصمته مية صدى

مجروح صحيح لكن عفي

ماسك شعاع النور وبيلف القلوب

يصرخ عشم جوه الضمير

اياك تقع

الزيف ضرير

والتيه مصير اللي اتخدع

والغربة ليل ملهوش نهار

لو حتى تحت الشمس ليل

بتشيّب القلب الصبي

من خاف طريقه لم سلم.

واللي يخاف عفريته لازم يقتله

امشي وحاضن غنوتك

وسط الزحام

اصرخ امل

اسكت كلام

وان داست الاحلام عليك

احضن ايديك

وارفع دموعك للسما ...

بكلمتين ...

راضي الحياة