شعبي عيدنا الوطني... رغوه!
نشر
في 02-03-2009
آخر
تحديث 02-03-2009 | 00:00
أغني لجولو كان الوتر مقطوع! أغني لج ونا أدري... العشق فكره/ العشق نظرة بعيد وخاطره موجوع. أغني لج ونا قاعد على كرسي خشب وأدخّن صمتي... المسموع. أغني لج واشوف الدنيا من حولي مسيره من الفرح ولا تدري المسيره إن هذا الطفل.. رغواته البيضا -إذا طلّت علينا الشمس من باجر- تتحوّل... ألم ودموع. شنو باجر؟! منو يدري... شنو باجر؟!!! إذا عيد الوطن.. مو عيدنا الصجّي! إهو عيد الجلوس.. وكرسي «عبدالله» وعبدالله... ... (حبيب الناس عبدالله) وعبدالله... يبونه.. من الذِكِر مشلوع!
