شعبي حوار مع متطرف
نشر
في 17-11-2008
آخر
تحديث 17-11-2008 | 00:00
- شغّل «الآله» الصغيره..إللي مزروعه في راسك! إحنا هَم أهلك وناسك مجتمع مسلم... مسالم • شنهو تقصد؟ - قصدي لا تهدم أساسك تقطع اجذورن عتيجه وينكسر في ليلْ فاسك! • شنهو يعني؟ - يعني سمّعنا كلامك... حتى لو فيه اختلاف. في البلد أكبر مساحه... لا تخاف ولا نخاف قول رايك والفكر وجهة نظر بس لا تشوّه نظرنا خفّف اشويّه حماسك • والخطا ... منهو يردّه ؟ الخطا أصل الخطايا وللخطايا ألف منكر... لازم انغيره بـ ادينا - وانته مو منزّل علينا الله الحامي لدينه وفي البلد حكْم ومحاكم وإلا صار الأمر فوضى في شوارع كل مدينه ويمتلي بالمر كاسك! • ما فهمتك! - ... وانا والله ما فهمتك! بس أقول لك شغّل «الآله» في راسك تكفى لا تهدم أساسك تقطع اجذورن عتيجه وينكسر في ليلْ فاسك!
