شعبي كلام الماي

بكتِب على رمل البحر :

الماي كلمه ناقصه

بدفتر حزنْ ..

وإن الهوا يترجم هوى

للسِيف ..

ما ندري شيقول !

يا شمسنا .. يا نازله

مِدّي لنا خيوط الذهب

شوقْ انحبس ..

مركب عَبَر ..

والنظره صارت بينهم مثل الرسول

الله يا بِعْد الوصول !

هذي الجزيره الفاتنه مثل الجسد

وهذا الجسد مثل الجزيره الفاتنه

شرق البحر ، غرب البحر

في حسنها جنْها تجول 　

يا مهرجان من الحسن

علّم فقير القلب يوصل شاطئك

وإذا انقطع فيني الرجا ..

ومات الأمل ...

ألهمني آيات النزول .