شعبي حلم نائب قديم

حلمت البارحه حلمين

حلم أول:

كأني بين حور العين

تحتي من الفرح نهرين

والديره (ولا أدري ليش!)

مقسومه من الصوبين:

باء وحاء

شين وسين

وأنا مرفوع بالأكتاف

على كل «صوت» ناداني... أقط ألفين.

حلمي البارحه الثاني:

كأني في مكان أغبر

ولا أدري وين!

أشوف الكرسي جدّامي ولا اطوله

وكأني في مكاني أمشي ولا أوصل

فلا خبراتي فادتني ولا لسنين

كل الناس خلّوني

تعدّت آهتي ألفين.

وحلم «الضبعه» تعّبني

وطيّر غفوتي من العين

الأول... يرد الروح

الثاني... أظنّه شين

منهو يفسّر الحلمين؟!!