حي المنازل.. وقول.. ووصْ مثل المودِّع إليا وصى وصوّت عليهم وعِم وخص لو قالوا الناس وش خَصّه! يمكن تداوي ضميرن غص البوح يبري من الغَصّه واحضن لصدرك هواها ورص وبوسة غلا فوق هـ القِصّه من قلبي أعطي لناسي نِص والنص الآخر لجل «حصّه» يا حصه زرعك حرامْ انقص إحجي وقولي منو قَصّه يا حصّه عمّك حرامي لص وخالك.. حلالك يبي نصّه يا حصّه بيدك لِمَعْ هـ الفص والكل طامع يبي حصّه * * * إن عاب صبْعك.. ضروري تقص يا صاح.. من مفصله قِصّه وإذا بركاده قريت النص إفهم مرادي من القصّه!
أخر كلام
لعبونيّات حصّه
21-01-2009