ولساها بتستنى… كلام الحب فـ اشْعاره وبتصدق… بانه كان بيقصدها ويغزل كلمته توبها وانه فارس الاحلام وبكرة اكيد هيخطفها وهيجيلها… شايل بكرة على كفه فتجري وتمسك الاحلام وتسند خوفها على كتفه وترمي الليل ما بين صدره فتشرق من عينيه الشمس ويتدارى الكلام والهمس جوة الشعر في كتابهم بريئة البنت بتحبه ورغم الزحمة فـ احْلامها ماهيش عايزة شِـوار الحلم ولا إمضا على بكرة ولا شباك يشوف النيل بتحلم بس لو تحضن رضاه وتنام متعرفشي متعرفشي بإن الواد لا عاد بيحب ولا يكره ولا مكدب كلام الناس ولا مصدق وان الليل على صدره بينزف ليل صحيح قلبه ماليه النور لكن مهجور في ليل صمته وحلم كبير مينفعشي يكون حلمه عشان الواد فـ أحْلامه عشق نفسه عشق فارس من الحواديت يخاف الخوف على كفه بريء الواد ميعرفشي هوس حلمه ولا يعرف جروح الشمس في مدينته وان الحلم لو سافر عن المسموح يخون صاحبه وان الصدمة في الأوهام تهد القلب وان الحب ميدفيش جروح البرد وان الشمس حتى الشمس محتاجة لشِـوار النور ******* شوار: كلمة شعبية بمعنى جهاز العروسة. ولها أصول باللغة العربية ومن بعض معانيها: الزينة، الهيئة، الحسن.
توابل - الرواق
شِـوار الحلم
09-05-2008