دمعة حزين

باقي على القلب تنهيدة ودمعة حزين

ويهج بين الضلوع يدوّر اخبارها

ست الترف والشرف فيها الصباح المُبين

لا طارت طيور قلبي واخلت اوكارها

يوم تعبتْ قلت للضيقة: ورى ما تجين؟

عندي مكانك... وحلّــي عن سما دارها

ما ودي يطيح دمع ولا يسولف أنين

عنها وينبش خفاياها على أسرارها

حبيبتي لو تسيل من المدامع سنين

أهديت لك من سنيني باقة ازهارها

لكنه الوقت لو يقسى مصيره يلين

تركض لياليه ما تدري عن اوزارها

يفداك قلب ٍتبقى فيه دمعة حزين

والا التناهيد... يمكن جت لك اخبارها