منهو طيّر من إيدينك كل حمامات المعاني؟! منهو خلاّ هـ الأماني صامته بقلبك يتيمه ... حتى ما جنْها أماني؟! ليش ما تطرد ظلامك... وإلا تحْرق هـ الظلام؟! إنته يللّي الصبح يشرق في كلامك وكل عصافيره اتْغَنى... وين ضيّعت الكلام؟! و«المكان» اللي سكنْته... واهوَ ساكن في ضلوعك بدّل حروبك سلام، «المكان»؟!... شلون يتْكلّم مكان؟! في «مكان» إيفَتّح عيون الكتابه في خيالك وانته تتْحوّل حبر... وفي «مكان» يقرّب طيور القوافي من يمينك والله ما تبعد شبر... وفي «مكان» يكسّر أقلامك في عينك واهوَ يكتب لك شعر... * * * و«المكان» اللي سمعته البارحه لمّا لمسْته علّق الصمت بجبينك لحظه... وتْحوّل شعر
أخر كلام
شعبي كلام الأماكن
18-02-2009