لا طاح راس الجمل
![مجبل الديحاني](/theme_aljarida/images/authorDefault.png)
مدري يطيح الجمل او تنقص احموله لا جيت اطيب في قولي خاطر اسكاتي ما شفت شي في بالي وأحرص أقوله مع كل يومٍ يمر الضيــق لحظاتـي لو شفت وجهي ضحوك ومعجبك زوله ما غـير أليـم بقـايا القلب وفتـاتي والصدر كثر المشاكل ضيقت جــوله الحال يزعـل قريـبي ويفرح اعداتي والصبر طالت يديني وعيت اتطـولـه في كـل دربٍ سعيت ابطيب هقواتي ولا فاد عرض الكـلام ولا نفع طــوله يا عيد عجزت يديني تجـمع اشتاتـي والناس حولي وقلبي ولا بشر حــوله عن ذنب غيري رضيت وقلت غلطاتي من خوف قطع القريب وقولة احموله ما أقفـلت بابٍ يجـيب الخير من ذاتي بس انت حقق تعرف اقـفاي وشهـوله الكل عذره احوش الذيب عن شاتـي وبـليس يـركـز ذنبه ويقـرع اطبــوله في احساب وقتٍ ليا من فات ما ياتـي وانفـاس باكــر تفـيض وتـنتهي الجـوله ماعدت اميّز على هالحال نـظراتي مـن صـك باب السماح وضيّع اقفــوله عمر العمى ما يقود في الدرب خطواتي لو عظـم ساقـة عـريض وجـدد انعــوله قلبي عليـكم يغـرس الطيب ويحاتـي من شان يلـقى الـولد بعـدين محصــوله الله يسمع خطـرها فجأه دعـواتـي ويسد بــاب الجــدال وتـربط اخيــوله يا عيد تمت وهـذي آخـر اوصـاتــي لا طـاح راس الجمـل وش خـانه ارجوله