شعبي رقابة!
![وضّاح](https://www.aljarida.com/uploads/authors/867_1669035166.jpg)
واحذفوا عشرين «آه»... وكل علامات التعجّب!!والنقط ويّا الحروفترتجف مليانه خوفوين نكتب عن هوانا... والسما كلها عيون!والسطور اللي نعلّق فوقها بعض الشجون...ضيّعَتْ أحلى الكلاموصارت بلحظة ظلامْ... مثل قضبان السجون* * *فتْحه مع ضمّه وكسره...وما بقى في القلب إلا - بعد إذنك يا رقيب - غير هَم وغير حسره!فتحه: فتّحت الجروحوما فتحت لحلمنا المسجون بابه...ضمّه: ضميت المعاني للمعاني،وصارت اضلوعي خرابه...كسْره: كسّرت بعيوني كل رغبه للكتابه...!والفواصل... والله كثّرت الفواصلبين أفكاري وبينكوالقلم لحمر يدينكصاح من مسكة ايدينك:راقبوا ظلم الرقابه!